1988- cil ildən sonra Azərbaycan höküməti Xocalının strateji mövqeyini nəzərə alaraq, buranın inkişaf etdirilməsi üçün tədbirlər gördü, qəsəbəyə şəhər adı verildi, Xocalı aereportu nəzarətə götürüldü. Xocalıda yeni İctimai və yaşayış binaları tikildi, yeni sənaye müəssisələri yaradıldı.
Lakin 1991- ci ilin sonunda Xocalının Ağdamla əlaqəsi kəsildi. Ermənilər və onlara himayədarlıq edən rus hərbiçiləri Xocalını hər bir tərəfdən mühasirəyə aldılar.
1992- ci il fevralın 25- dən 26- a keçən gecə Xankəndinə toplanmış erməni quldur dəstələri orada olan 366- cı motoatıcı polkun canlı qüvvəsi və texnikasının köməyi ilə Xocalıya hücuma keçdilər. Onu qeyd etməliyəm ki, 366- cı motoatıcı polk 1984- cü ilin payızında Gəncədən gətirilib Xankəndində yerləşdirilmişdi. Son illər polkda 600 nəfər əsgər, 129 zabit xidmət edirdi ki, bu zabitlərin 49 nəfəri erməni idi. 366- cı polkun hərbi texnikasından dəfələrlə Şuşa şəhərinin atəşə tutulmasında istifadə edilmişdi. 1992- ci ilin dəhşətli fevral gecəsi 11500 nəfərlik əhalisi olan Xocalı şəhəri yerlə yeksan edildi, 613 nəfər qəddarlıqla öldürüldü, (bunlardan 63 usaq, 106 qadin, 70 orta yasli insan idi. 8 aile tamamile mehv edildi. 25 usaq her iki valideynini, 103 usaq her iki valideynini itirdi)1275 nəfər əsir götürüldü, onların başına insanlığa yaraşmayan müsibətlər gətirildi.
Xocalı işğal olunduqdan sonra ermənilərin törətdikləri vəhşilikləri, dinc adamların, qadın, uşaq və qocaların başına gətirdikləri dəhşətləri görmüş, zabit vicdanın hökmü ilə bunları qələmə alıb Moskvaya, Bakıya, BMT- yə göndərmiş, Xankəndində yerləşən 02270 nömrəli Hərbi hissənin xüsusi şöbəsinin rəisi, polkovnik Vladimir Savelyevin 19 səhifəlik məlumatından aşağıdakıları oxuculara çatdırmaq istəyirəm. “Xocalıya hücümda 366- cı Rus polkunun əsgər və zabitləri ilə birlikdə erməni terrorçu təşkilatı olan “ASALA”- nın mayoru Aşın Simonyanın başçılığı ilə 26 nəfərlik dəstə də iştirak edib.” V. Savelyev qeyd edir ki, A. Simonyanın bu dəstəsi Paris yaxınlığında təlim keşdikdən sonra Xankəndinə gətirilmişdi. A.Simonyanın 366-cı polkun komandiri Yuri Zarviqorova o zaman üçün böyük məbləğ olan 36.000 ABŞ doları verərək, 366-cı polkun hərbi texnikasının 85%- ni ələ keçirmişdi. Bu məlumatlardan belə aydın olur ki, Xocalıya hücümda “ASALA”- nın Suriyadan və Livandan gəlmiş dəstələri də iştirak etmişlər. Xocalı məhv edildikdən sonra hücumda fərqlənmiş 24 nəgər rus əsgər və zabiti mükafatlandırıldı. “ASALA” yazılmış 25 qramlıq qızıl orden və 5.000 ABŞ dolları, S.İvanova 10.000 ABŞ dolları, “Hunday” maşının açarını verdi. Xocalı faciyəsinin bütün dəhşətlərini gözləri ilə görmüş rus kəşfiyyatının zabiti V.Savelyev yazır: “ Mən bunları yazmaya bilmərəm. Hər şey gözlərimin önündə baş verib. Insanların, uşaq və qadınların, hamilə gəlinlərin güllələnmiş bədənlərini unuda bilmirəm. Qoy azərbaycanlılar məni bağışlasınlar ki, bu qanlı amansız sonluğu olan hadisələrdə əlimdən heç nə gəlmirdi: Mən gördüklərimi yazıb 19 səhifəlik “Məxfi arayış” Kremlə Müdafiə Nazirliyinə, Bakıya göndərdim. Oxuyun dedim. Biz rusların zabit şərəfi görün necə ləkələndi. “
Xocalı faciəsini bütün dünyaya çatdıran mərhum jurnalist Çingiz Mustafayevin çəkdiyi lentlər oldu. Onun fədakarlığı sayəsində dünya ictimaiyyəti burnu, qulağı kəsilmiş baş və alın dərisi soyulmuş uşaqları, qadınları, qocaları gördülər.
Bir gecənin içərisində qədim Xocalı yerlə yeksan edilmişdir.
Şəhəri tərk etməyə məcbur olan əhali dağlara, meşələrə qaçmışdır. Hər tərəfdə silahlı ermənilər dinc əhalini güllələyir, onlara amansız divan tutmuşdular. Beləliklə, soyuq, qarlı fevral gecəsində nə qədər qız-gəlin əsir düşdü, girov oldular. Nə qədər insan erməni silahından yayınıb meşələrə, dağlara qaçsalar da onların çoxu soyuqdan, şaxtadan məhv oldular…
Cinayətkar erməni qoşunlarının vəhşiliyi nəticəsində Xocalı əhalisindən 613 nəfər öldürülmüş, 487 nəfər şikəst olmuş, 1275 nəfər dinc sakin - qocalar, uşaqlar, qadınlar əsir götürülərək ağlasığmaz erməni zülmünə, təhqir və həqarətlərinə məruz qalmışlar. 150 nəfərin taleyi hələ də məlum deyildir.
Bu əsl soyqırım idi. Xocalıda öldürülmüş 613 nəfərdən 106 nəfəri qadın, 63 nəfəri uşaq, 70 nəfəri qoca insanlar olmuşlar.
Xocalı faciəsində 8 ailə bütövlükdə məhv edilmiş, 24 uşaq hər iki valideynini, 130 uşaq isə valideyinlərindən birini itirmişdir.
Bu cinayətdə 56 nəfər xüsusi qəddarlıqla və amansızlıqla qətlə yetirlimişdir. Onlar diri-diri yandırılmış, başları kəsilmiş, üzlərinin dərisi soyulmuş, körpə uşaqların gözləri çıxarılmış, süngü ilə hamilə qadınların qarınları yarılmışdır. Ermənilər hətta meyitləri də təhqir etmişlər…
Azərbaycan xalqı və onun dövləti Xocalı faciəsini heç vaxt unutmur və unutmayacaqdır.
Azərbaycan Respublikasının Prezidenti Heydər Əliyev 1 mart 1994-cü ildə bu haqda xüsusi Fərman vermişdir. Azərbaycan Respublikasının Milli Məclisinin Qərarı ilə 26 fevral "Xocalı soyqırımı və milli matəm günü" elan olunmuş, bu barədə bütün beynəlxalq təşkilatlara məlumat verilmişdir.
25 fevral 1997-ci ildə "Xocalı soyqırımı qurbanlarının xatirəsinə sükut dəqiqəsi elan edilməsi haqqında" Azərbaycan Respublikası Prezidenti Heydər Əliyev tərəfindən Fərman verilmişdir. Hər il 26 fevralda ölkə başçısı "Xocalı Soyqırımı" ilə əlaqədar xalqa müraciət edir.
Xəbər Ətirlərdən necə istifadə etmək olar?
Xəbər Rafet El Roman - Senden Sonra 2012 Yeni
Xəbər A qayınana, qayınana...
Xəbər Pit10 Beni burdan cikarin ....
Xəbər Forumu gerçək həyatla qarışdıranlar
Xəbər Uğur qazanmanın başlıca düşmənləri
Xəbər LovE
Xəbər GTA Vice City-Sanandres Kodlari
Xəbər Forumu gerçək həyatla qarışdıranlar
Xəbər Forumu gerçək həyatla qarışdıranlar