APA-nın məlumatına görə, teatr kollektivinin dörd günlük proqramı Milli Məclisin sədrinin birinci müavini mərhum Afiyəddin Cəlilovun xatirəsinə ithaf ediblər. İki saatlıq proqramda teatr kollektivinin ifasında hazırlanan tam yeni nömrələrdə maraqlı məqamlar diqqət çəkib. Dörd günlük proqramın ilk günü anşlaqla baş tutub. Proqram Tahir İmanovun yerli telekanallardan birində yayımlanan “Günəbaxan” verilişinin aparıcı Turan İbrahimovun parodiyası ilə başlayıb. Proqram yerli televiziyalardakı verilişlərin, eləcə də xəbərlər proqramının bir neçəsinin aparıcıların parodiyası ilə davam edib. Teatr kollektivinin ifasında AzTV, ANS, Xəzər telekanallarında yayımlanan bəzi verilişlər özünəməxsus şəkildə tamaşaçıların diqqətinə çatdırılıb. Proqramda xüsusi diqqət çəkən nömrələrdən biri yerli müğənnilərin dünyanın tanınmış ulduzları ilə eyni səhnəni paylaşması olub. Bu zamana kimi müğənnilərimizin ürəyində qalan bu arzunu qeyri-real olsa da KVN teatrı həyata keçirib. Niyaməddin Musayevin dünyanın məşhur “Deep Purple” qrupu ilə, İlqar Muradovun “Scapman”lə, Rəhim Rəhimlinin “Lyube” qrupu ilə, Cavanşir Məmmədovun “Enigma” ilə, Elza Seyidcahanın Al Bano ilə, Sevda Ələkbərzadənin isə Lənkəran nənələri ilə səhnəni paylaşması və duet ifa etməsi çox maraqla qarşılanıb. Elza Seyidcahanın Al Banonun çox məşhur “Feliçita” mahnısını oxuyarkən Al Banonun elə səhnədəcə ürəyinin dayanması isə tamaşaçıların alqışları ilə qarşılanıb. Parodiya edilən müğənnilər arasında cazmen Cavan Zeynallı da olub. Teatrın bədii rəhbəri Tahir İmanovun öncədən də dediyi kimi KVN Teatrının kollektivinin ifasında parodiya edilənlər arasında Azərbaycanın, eləcə də digər ölkələrin dövlət rəsmiləri də olub. Bu sırada Azərbaycanın dövlət başçısı İlham Əliyev, Rusiyanın baş naziri Vladimir Putin, Ermənistanın prezidenti Serj Sarkisyan, Moskva meri Yuriyo Luşkov, Bakı şəhərinin meri Hacıbala Abutalıbov, “AzAL” Şirkətinin prezidenti Cahangir Əsgərov, Bakı Metropolitenin rəisi Tağı Əhmədov və Dövlət Yol Polisi əməkdaşları maraqlı şəkildə parodiya olunub. İlk dəfə olaraq məhz KVN Teatrının ifasında “avtomobillərin toyu” təşkil olunub. Hər zaman olduğu kimi KVN Teatrı proqramını “Məhəllə” nömrəsi ilə yekunlaşdırıb. Bu nömrənin sonunda isə Tahir İmanov yaratdığı obraz vasitəsi ilə bütün Azərbaycan xalqına müraciət edib. O, azərbaycanlıları Vətəni bölməməyə, yerliçilik sindromundan qaçmağa, “yeraz” ifadəsini isə unutmağa çağırıb.
Proqramda 9 il fasilədən sonra Azər Məmmədzadənin səhnəyə qayıdışı sevindirici məqamlardan biri olub. İki saatlıq proqramda nümayiş olunan nömrələrdə əməkdar artist Elçin Həmidov, aktyorlar Bəhram Bağırzadə, Tahir və Cabir İmanovlar, Azər Məmmədzadə və başqaları çıxış ediblər.
Xatırladaq ki, “Planet Parni iz Baku” KVN teatrını sözügedən proqramı aprelin 3-ü, 4-ü və 5-də də tamaşaçıların görüşünə gələcək. Dörd günlük proqramın informasiya dəstəyi APA İnformasiya Agentliyinə məxsusdur.
Xəbər Ətirlərdən necə istifadə etmək olar?
Xəbər Rafet El Roman - Senden Sonra 2012 Yeni
Xəbər A qayınana, qayınana...
Xəbər Pit10 Beni burdan cikarin ....
Xəbər Forumu gerçək həyatla qarışdıranlar
Xəbər Uğur qazanmanın başlıca düşmənləri
Xəbər LovE
Xəbər GTA Vice City-Sanandres Kodlari
Xəbər Forumu gerçək həyatla qarışdıranlar
Xəbər Forumu gerçək həyatla qarışdıranlar