Yaxın zamanlarda uçan avtomobil satışa çıxarılacaq. "Paraject Skycar" adlanan avtomobil “Ram-Air Wing” texnologiyası əsasında hazırlanıb. Yerdə və havada hərəkət edən vasitənin münasib qiymətə satılması nəzərdə tutulur.

Təxminən 65 min dollar qiyməti olan Skycar 2010-cu ilin sonlarına satışa çıxarılması gözlənilir. 3 min metrə qədər yüksələ bilən, saatda 160 kilometr sürətlə uça bilən Skycar, 200 metr məsafədən havaya qalxır.

Uçan avtomobil quruda saatda 225 kilometr sürətə çata bilir, təcili vəziyyətlər üçün isə sığorta olaraq bir daxili paraşutu var.

Qeyd edək ki, sınaqdan uğurla çıxan və təxminən 13 min kilometr yol qət edərək Afrikadan İngiltərəyə problemsiz bir şəkildə çatan Skycar hər cür ərazi şərtinə cavab verir