Yaşıotuzu keçən iqtisadçıdan soruşurlar:
--- A balam, hamı evləndi, sən niyə tərpənmirsən?
--- Münasib bir qiz tapa bilmirəm.
--- Sənə hansından lazımdır?
--- Ad günu 8 marta düşən bir nərmanazik.
Şəkili barmagını dişləyir. Xəbər alır:
--- Bala, Sen HACI QARAGİLDƏN DEYİLSƏN Kİ?
Ağdaşda bir papqçı varmış. Oraya alverə gələn şəkililərə dukanın yanından keçəndə sataşırmış.
--- Ə, ha indi sən də Hacı dayısan? Adın nədir ? Hə, çox yaxşı. Sənin adıvu yeyim,- deyərmiş.
Hacı Feyzi oğlu bunu eşidir. Ağdaşa gəlir. Papaqçı onu da saxlayıb adını xəbər alanda deyir:
--- Adım Peyindir.
Papaqçının dinmədiyini görən Hacı Feyzi oğlu deyir:
--- Ə, nə gözüvü döyürsən ? Mənim də adımı ye!
Mirzə Abdulcabbar küçə ilə gedərkən iki qadının dalaşdıgını görür. Qadınlardan birinin nalayiq sözləri Mirzəyə pis təsir bağışlayır. O, uzaqdan dönə-dönə öskürür ki, bəlkə, hay-küy kəsilə. Amma qadın çox gec sakitləşir. Mirzə ona salam verib deyir:
--- Bilirsən nə var?
--- Deyərsən , bilərik.
--- Bu ətraf məhəllələrdə nə qədər qadın var ha, hamısı sənə borcludurlar. Çünki, onların ərləri həmişə bu küçədən keçirlər. O kişilər sənin üzüvü görüb, səsini eşitməsəydilər, öz arvadlarının qədrini bilməzdilər.
Şəkili “Fərhad və Şirin” dramına tamaşa edirmiş. Fərhada Şirinin ölüm xəbərini deyirlər. Fərhad qəzəblənir, bu dərdə dözmür. Qaya çapan külüncünü qaldırıb başına vurmaq istəyərkən, şəkili arxa sıradan qışqırır:
--- Ə, Fərhad, həftik olma. Sənə nömrə gəlirlər. Şirin sağdır.
Müəllim biletdəki suallara cavab verə bilməyib susan tələbəyə deyir:
--- Bilirsən, bala, imtahan sənin üçün əsl səhnədir, gərək nəyə qabil oldugunu bu səhnədə göstərəsən.
Şəkili tələbə tez dillənir:
--- A müəllim, bura səhnəsə, nə əcəb suflyoru yoxdur?
İnqilabın ilk illərində Hacı dayı eşidir ki, rayonda dinə qarşı möhkəm mübarizə başlanıb. O da məchidə keçib aftaxaları oğurlayır, xurcuna yığıb gətiri Allahsizlar cəmiyyətinə:
--- Alın ,-- deyir,-- mollaları tərkisilah etmişəm. İndi görüm onlar aftafasız necə təstənamaz alacaqlar.
Şəkilidən soruşurlar.
--- Sarımsağa rusca ne deyirlər?
O bilməsə də, özünü qanmaz yerinə qoymur, bəziyyətdən çıxır:
--- ha indi sən o qədər savadsızsan ki, bunu da bilmirsən? Uruslar sarimsağa “Sestra luka” deyirlər.
Bir qarı prokrorun otağına girib deyir:
--- Damkom alçaq mənim namusuma toxunub.
Prokror təəccüblənir:
--- Sənin namusuna ???
Qarı:
--- Mənim deyəndə, qizimin namusuna də. Özü də deyir ki, prokrorun tapşırığıdır. Mən nə edə bilərəm?
Prokror hirslənir:
--- Belə şey olmaz.
--- Olubdur də, hələ bir deyir, uşağı yaxşı böyütmürsüz.
Prokrorun gözü dörd olur:
--- Qızının usağı da var?
--- Bəli, başına dönüm. Namus mənim nəvəmdir. Damkom bu boyda şəhərdə toxunası adam tapmır bəyəm ki, NAMUSUMU tikintiyə göndərir??????
Gəmi ilə səyahətə çıxan qız dənizə yıxılır. Qızın atası qışqırır:
--- Camaat, kömək eləyin, qızımı çıxarın!
Heç kim suya girmək istəmir.
Kişi yenidən qışqırır:
--- Qızımı kim çıxartsa, ona ənam verəcəyəm!
Heç kim yenə də yerindən tərpənmir.
Qəflətən görürlər ki, bir şəkili şappıltı ilə suya düşdü. Qiz ondan yapışıb xilas olur. Şəkili də birtəhər göyərtəyə qalxır. Qızın atası çibindən pul çıxarıb:
--- Çox sağ ol, götür haqqını,-- deyəndə,
əsim-əsim əsən şəkili zorla toxtayib cavab verir:
--- Pulun gözunə girsin, ha indi de görüm, məni arxadan hansi “köpək oğlu ” itələdi?
Xəbər Xasiyyətcə necə insansan?
Xəbər Həyatın yükünü daşıya bilirsən?
Xəbər Paxıllıq
Xəbər Ətirlərdən necə istifadə etmək olar?
Xəbər Rafet El Roman - Senden Sonra 2012 Yeni
Xəbər A qayınana, qayınana...
Xəbər Pit10 Beni burdan cikarin ....
Xəbər Forumu gerçək həyatla qarışdıranlar
Xəbər Uğur qazanmanın başlıca düşmənləri
Xəbər LovE