Röya Ayxan 1982-ci il iyun ayının 14-də Bakı şəhərində dünyaya gəlib. Bakı şəhəri Nəsimi rayonu 5 saylı orta məktəbin məzunu olub. 2004-cü ildə Bakı Dövlət Universitetinin "Beynəlxalq Hüquq" fakultəsinə daxil olub.
İlk dəfə Vaqif Gərayzadənin W-trio qrupunda çıxış edib. Qrupdan ayrıldıqdan sonra solo müğənniliyə başlayıb. 2005-ci ildə Heydər Əliyev Sarayında "Bu gecə" adlı ilk solo konserti olub. 2006-cı ildə 3 gün yenidən həmin sarayda "Darıxmışam" adlı solo konsert verib. 2006-cı il sentyabr ayının 15-də Şəfa stadionunda və nəhayət sentyabr ayının 22-də Milli Parkda solo konserti olub.
2005-ci ildə Yalta şəhərində keçirilən Beynəlxalq Gənc İfaçılar müsabiqəsində "Tamaşaçı simpatiyası" nominasiyası üzrə laureat olub. 2006-cı ildə V&V prodüser mərkəzinin keçirdiyi sorğuya əsasən Röya 2 nominasiya üzrə - İlin Müğənnsi və İlin Konserti nominasiyaları üzrə qalib gəlib.




Röyanın işıq üzü görən kliplərindən "Röyan Olum", "Söylə", "Darıxmışam", "Qatar", "Bilərsənmi", "Qovuşmaz Yolumuz", "Gəl Danış", "Cücə" və s. misal çəkmək olar. İki solo diski – "Söylə", "Röya-İlqar" vardır.
Ailəlidir. 25 oktyabr 2009-cu ildə oğlu dünyaya gəlib.
Röya oğlunun adını Hüseyn qoyub